Credits to the owner.

Ang sarap maging proud , pero ang hirap mag mukhang mayabang

Yan ang tumatakbo sa isipan ko habang nakatingin ako sa isang malaking tarpaulin na ako ang nag design.

Dahil gustong gusto ko ipagsigawan sa lahat ng tao na ako ang nag design ng nakikita nila sa malaking karatula

“ Ang ganda ng poster ng D.A ngayon ahh”

“ Maganda siguro to, tara nuod tayo sa sabado”

“ ay wooow ! astig”

Ang sarap sabihing…

*Uyy ako may gawa nan , Jack ang pangalan ko ang ganda no! medyo struggle nga pag gawa nan eh, oo tama kayo ako nag gawa nan hahaha at yung ticket na pinapamigay nila kanina , ako rin nag design non hahaha purihin nyo naman ako dali !*

Naiisip ko kung ganito rin kaya ang pakiramdam ng mga taong nag print ng tarpaulin? O ang nag gawa ng software na adobe photosop? Sa tuwing sumasagi ang resulta ng isang obra na galing rin sa kanilang mismong obra? Sa tuwing makaka salamuha sila ng ibang tao na pinapakinabangan ang kanilang gawa?

Mga sari-saring magagandang komento ang narinig ko matapos ko itong maipakita sa mga kaibigan at sa mga ibang kakilala, Pero syempre may mga negatibong komento rin sa mga taong hindi ko o hindi ako kilala.

Halimbawa neto ay ang dalawang mag jowa na nakasalubong ko sa daan habang kinukutya ang malaking tarpaulin na aking gawa.

“ haha , ano bayan bakit ganyan ang pangit ng kulay”

“ okay naman sya , pero halatang minadali lang ng gumawa .. hindi ako marunong mag edit ng ganyan pero kung gagawa man ako , hindi ganyan ka pangit HAHAHAHA” (sabay pa silang tumawa) sabay sabing sayang lang daw yung binayad ng nag pa-gawa .. Ang weak kasi ng gumawa…ang weak ng gumawa…weak ng gumawa…weak gumawa…ang weak….

Haaaaayys, ang mga tao talaga sadyang napaka lupit , pero aminin natin na mas madali nga naman mang-husga kapag hindi mo kilala ang tao, diba? Dahil hindi naman natin sila kilala e , hindi tayo ganoon ka takot na sabihin ang ating opinyon dahil maliit lang naman ang chance nating gumanti at gantihan pabalik.

Syempre hindi ako pumayag na laitin ang gawa ko kaya sabi ko *Hoy! Mga walang modong mag jowa na PDA ! wala kayong karapatan na laitin ang tarpaulin nayan , hindi nyo alam kung nakailang revised ako dyan bago I-print yan dyan ! Mga walang hiya, bagay na bagay kayo parehas kayong malaki mata! at FYI hindi yan bayad dahil buong puso ko yang pinag hirapan* sabi ko sa isip ko..

Pero inisip ko nalang na ito’y isang constructive criticism, pero wala silang kamalay-malay na kung ilang beses kong paulit-ulit na tinorture sila sa isipan ko hahaha

Iniisip ko kung papaano kaya kung kakilala o kaibigan ko yung dalawang yun, mag iiba kaya tingin nila sa gawa ko? O ganon parin

“ okay ba yung design na nagawa ko?”

“ Syempre naman , basta gawa mo maganda yan para sakin”

Mas na-appreciate ko pa ang mga taong bibigyan ako ng matinding payo tungkol sa mali ko , kesa sa mga taong hahayaan lang akong mag mukhang tanga – Jack

Sa kabilang banda ang blog post kong ito ay para sa mga katulad kong bibihirang mabigyan ng pagkakakilanlan ng karamihan, katulad ng mga Cameraman, sa mga taong taga-gawa ng pabango, sa mga construction worker na katulong ng mga Engineer, sa makinang taga-gawa ng mga papel ! (Thanks machine) para sa mga taong taga hatid ng iPhone sa apple store, at sa mga taong nasa likod ng success ng kahit ano.

Taos puso rin po akong nagpapasalamat sa mga naging bahagi ng blog entry na ito, nagpapasalamat po ako sa mga sumusunod: kay kuya na nag bukas ng aircon dito kanina, sa water service na naghatid kanina ng tubig dito kaya meron akong malinis na tubig na iniinom ngayon, salamat rin sa boss ko na nag bukas ng PC ko at dahil don sa wakas di ako nalate, salamat narin sa nagtahi ng jacket na gamit ko ngayon panangga sa napakalamig na aircon para makapag type ako ng maayos at higit sa lahat maraming salamat sa lahat ng staff at sa lahat ng bumubuo ng wordpress.com. Maraming salamat po!

Advertisements

Si Lord , nag Drive-thru sa Jollibee!

Para sa atin, napaka sensitibo ang pagusapan ang tungkol sa ating sari sariling paniniwala lalong lalo na ang relihiyon. Dahil natatakot tayong may masabing kakaiba na against pala para dito sa isa na minsan pa’y pinagmumulan ng matinding debate laban sa ano ba ang tamang relihiyon. Ang satin lang naman ay ayaw lang natin makasakit ng damdamin ng iba kaya mas pinipili nalang natin minsan na wag isama ang ganitong topic sa usapan.

Pero sa hindi ko inaasahang pagkakataon kahapon may nakatabi ako sa Jollibee na tatlong lalaki na nagtatalo talo , Este naguusap lang pala dahil tingin ko naman ay friends sila lahat, tungkol sa paniniwala nila sa Diyos at religion.

Sa sobrang rami ng tao at puno na lahat ng lamesa nakisuyo ako sa kanila na kung pwede lang maki- share sa lamesa nila para makakain ako ng maayos dahil meron namang isang space kung saan mga bag lang ang mga naka upo. Kapal ko eh no haha

Sure !! ( sabi pa nung isa)

Itago nalang natin ang pangalan nila sa pangalang Juan , Pedro , at Junjun. Mga college student rin sila gaya ko dahil pansin mo sa kanilang lanyard at uniform.

Base sa aking matinding pandinig at pakiramdam dahil hindi ko narin maiwasan pakinggan ang kanilang usapan:

Si Juan ay isang taong naniniwala sa Diyos at sa mga utos at sermon nito, lagi nyang binabase sa Bible ang kanyang mga matalinhagang sagot.

Si Pedro naman ay isang taong naniniwala sa Diyos at hindi sa relihiyon.

At si Jujun ay isang Atheist.

Disclaimer: Some of the Dialogues you will read are not exactly the same as the actual words of what they’ve said, However the thoughts in here are completely preserved and accurate.


Juan : Tanggap ko naman yung sinasabi mo Junjun , sa part ko lang naman ay dapat lagi parin tayong nag sisimba… at kahit na anong sabihin mo dyan ay binyag ka parin sa Katoliko.

Junjun: Eh!(nakasimangot) Para saan pa yung pag sisimba ko hindi naman ako naniniwala sa Diyos.

Juan: Kaya nga magsimba ka at magbasa ng Bible para malaman mo, at para narin alam mo yung tama at mali.

Junjun: Wag ako tol! Hindi naman porket Atheist ako masama na ako, dahil hindi ko kailangan mag simba at mag basa ng Bible para lang masabing tama ako kasi hindi naman talaga ako masama.

Pedro: Tama nga naman, hindi naman lahat ng taong pala- simba ay mabait na at hindi naman rin lahat ng taong hindi nagsi-simba ay masama na.

Juan : Naiintindihan ko naman kayo pero sige nga! paano nyo malalaman ang tama at mali kung walang Diyos? subukan nyong Imagine-in kung pano nalang talaga kung walang diyos? Edi hindi na natin alam kung tama ba o mali yung mga pinag gagawa natin? Dahil wala tayong direksyon, wala ng guide kasi wala ng nagtuturo sa ating mga tao. Para nalang tayong inosenteng bata na hindi naturuan na walang kamuwang muwang sa mundo, na kahit anong gawin ay ayos lang dahil wala ng paki-alam kung tama ba ito o mali. (May mga sinabi pa syang mga verse dyan kaso di ko na matandaan)

Pedro : Tama ka naman Juan , ako sa totoo lang naniniwala naman talaga ako sa Diyos. Dahil pano tayo mabubuhay kung walang sya diba, dahil naniniwala ako na sa kanya tayo lahat nag mula. Pero yung Religion na yan? wala naman talaga yan eh, yang bagay lang nayan ang nagbubuklod buklod sa ating mga tao. Lahat tayo makakapunta sa Heaven basta gumawa tayo ng mabuti sa kapwa at hindi na natin kailangan pa ng Relihiyon. Pare-parehas lang naman tayong tao at kahit na sa sobrang daming religion pa’yan dito sa mundo, iisa lang naman ang ating sinasamba, ang Diyos lang at wala ng iba.

Junjun: Sorry mga pre pero di nyo talaga ako nakukumbinsi. Ikaw nga Pedro? Gumagawa ka lang ng mabuti sa kapwa para makapunta sa Heaven? Hindi ba parang makasarili naman ata yon..? Nakuha ko yung point ni Juan na walang magtuturo sa atin pero ang sakin lang, ay pag oras na wala kana dito sa mundo, wala ka na talaga at wala ka ng pupuntahang hell o heaven. Dahil dito palang sa earth ay meron ng hell at heaven, dahil ikaw na mismo ang gagawa ng sarili mong kapalaran mapa langit man o impyerno ang daranasin mo.


Tama at may point sila lahat actually, Pero hindi rin naman lahat ng opinyon ng bawat isa ay tama, Kung baga’y pantay-pantay lang ang halaga ng kanilang mga opinyon.

Darating ka rin talaga sa punto ng buhay mo na mapapatanong ka nalang sa sarili mo na “Ano ba kasi talaga yung totoo?”

Nabilib ako sa mga kapwa kong estudyanteng ito dahil kahit na magkakaiba ang kanilang mga paniniwala ay nananatili parin silang magtu-tropa.