One lovely blog award

Nakakatuwa dahil sa wakas may taong nakaisip na inominate ako sa ganitong award haha ! Kung titignan mo napaka imposible na manominate ako ng isang blogger sa ganitong award—so strange ..

Dahil ang nagnomimate lang naman sakin ay ang matagal ko ng kaibigan o sabihin nalang nating bespren, ka bromance, ka-jam, kapatid (pero actually tatlo talaga kami, wala nga lang blog yung isa) at kung ano ano pa na si emengoyal.

Diba? Napaka imposible…

Pero salamat pre sa suporta kahit na ikaw lang naman talaga bukod kay rheasilient ang matyagang nagla-like at nagko-comment sa lahat ng entry ko since day one HAHAHA! Consistent yon san kapa!?

Tama na ang intro , simulan na natin ‘to.

Rules:

•Thank the person who nominated you and link their blog in your post.
“Done!”

•You must include the rules and the blog award image in your post.
“here na po oh”

•You must add 7 facts about yourself.
“alright!”

•Nominate 15 people to this award.
“mahirap pero sige!”

Fact#1: Isa po akong Masscomm student, kahit na dati simula nung pagkabata ko palang ay nakatatak na sa isipan kong maging Engineer o kaya isang Architect dahil sa pag Idolize ko sa tatay ko. Ewan ko ba kung bakit pero nung 4th year highschool ako bigla nalang nagiba ang aking interes at nahumaling ako sa Film and Media kaya eto , Masscomm ang kinuha kong kurso.

Fact#2: Hindi katulad ni emengoyal at ni Erick na magaling sa basketball o kaya sa iba pang sports dahil ako naman ay hindi marunong mag basketball . Gusto ko ng basketball pero ayaw niya sakin, sa tuwing nagdi-dribble ako sa mukha ko dumideretso ang bola.

Fact#3: Sa pamilya, May talento kami lahat sa pag du-drawing bukod sa Nanay ko hahaha! May kanya kanyang forte kami sa pag guhit. Si Kuyang panganay magaling sa Color Pastel, Si Jeric naman ay magaling sa lahat pag dating sa art, si Ate Jesi ay magaling sa Calligraphy, si Angel ay sobrang napaka linis mag drawing yung tipong di na kailangan ng eraser, ako? Gustong gusto ko ang color pencils, si Bunso naman ay nahahawig rin sa istilo ko sa pag drawing, si papa naman ay magaling gumuhit pagdating sa mga bahay, building at iba pa at Si Mama? Magaling gumuhit ng Stickman.

Fact#4: Hilig kong laruin ang Gitara, Gustong gusto ko talaga ang tunog ng gitara kaya siguro talagang inaral ko ito noong grade 5 ako. Para ako naman ang gumawa magandang tunog at alayan ang ang babaeng naging inspirasyon kong matutong mag gitara; ang nanay ko.

Fact#5: Munggo ang favorite kong ulam. Pag alam kong munggo ang ulam talagang sobra sobra ang busog ko nan. Lalo na kung luto ng nanay ko… Haaaay! Talagang busog ka talaga. Alam yan ni miko hahaha

Fact#6: Wala akong Girlfriend. Single ako, single na single hahaha! Naka ilang palit na ata ng gf sina miko at erick pero ako heto , Single parin hahaha.

Fact#7: Hindi ako ganon katalino, Hindi rin ako kakinisan, at hindi rin naman ako kagwapuhan pero sobrang pihikan ako pag dating sa babae. Kaya siguro hanggang ngayon single parin ako., Meron akong talagang minahal pero di rin kami nagtagal pero pagkatapos non wala na. May ilang babae (Wow naman! Haha) na minsang napalagayang loob ko pero di rin nagtatagal. Sa akin kase, pag meron isang bagay na talagang hindi ko nagustuhan sa taong ito kahit na sa isang maliit na bagay lang ay matu-turnoff ako agad at mawawalan ako ng gana, Ewan ko ba kung bakit pero naiinis ako sa ganitong ugali ko. Gusto ko kasi pag ka nag ka Girlfriend ako, iniimagine ko na agad na sya na ang makakasama ko pang habang buhay, yung tipong ikaw lang sapat na! Yung sya na talaga ang papakasalan ko at wala ng iba pa.

Kulang ang pitong facts para kilalanin ako, Pero kung may time ka talagang kilalanin ako haha basahin mo nalang ang ibang entry ko dito sa blog ko. Salamat!

Nominees

(yung nominees ko po ginaya ko lang yung kay miko hahaha)

The RheaSilient

BlagBloodBlog!

Apple Rae

Cheesecake

ShadesofWanderer

bughawblueasul

Left Pencil

HannahtheGrace

Monch Weller

michnavs

dakilanglaagan

boredsensei

thatlittlegirl

happysunday

Hindi naman po ito sapilitan. Pero pag nanominate ka at hindi mo ito ginawa. Mamalasin ang lovelife mo ng 200 years. Kaya mapipilitan ka talaga.

Advertisements

Credits to the owner.

Ang sarap maging proud , pero ang hirap mag mukhang mayabang

Yan ang tumatakbo sa isipan ko habang nakatingin ako sa isang malaking tarpaulin na ako ang nag design.

Dahil gustong gusto ko ipagsigawan sa lahat ng tao na ako ang nag design ng nakikita nila sa malaking karatula

“ Ang ganda ng poster ng D.A ngayon ahh”

“ Maganda siguro to, tara nuod tayo sa sabado”

“ ay wooow ! astig”

Ang sarap sabihing…

*Uyy ako may gawa nan , Jack ang pangalan ko ang ganda no! medyo struggle nga pag gawa nan eh, oo tama kayo ako nag gawa nan hahaha at yung ticket na pinapamigay nila kanina , ako rin nag design non hahaha purihin nyo naman ako dali !*

Naiisip ko kung ganito rin kaya ang pakiramdam ng mga taong nag print ng tarpaulin? O ang nag gawa ng software na adobe photosop? Sa tuwing sumasagi ang resulta ng isang obra na galing rin sa kanilang mismong obra? Sa tuwing makaka salamuha sila ng ibang tao na pinapakinabangan ang kanilang gawa?

Mga sari-saring magagandang komento ang narinig ko matapos ko itong maipakita sa mga kaibigan at sa mga ibang kakilala, Pero syempre may mga negatibong komento rin sa mga taong hindi ko o hindi ako kilala.

Halimbawa neto ay ang dalawang mag jowa na nakasalubong ko sa daan habang kinukutya ang malaking tarpaulin na aking gawa.

“ haha , ano bayan bakit ganyan ang pangit ng kulay”

“ okay naman sya , pero halatang minadali lang ng gumawa .. hindi ako marunong mag edit ng ganyan pero kung gagawa man ako , hindi ganyan ka pangit HAHAHAHA” (sabay pa silang tumawa) sabay sabing sayang lang daw yung binayad ng nag pa-gawa .. Ang weak kasi ng gumawa…ang weak ng gumawa…weak ng gumawa…weak gumawa…ang weak….

Haaaaayys, ang mga tao talaga sadyang napaka lupit , pero aminin natin na mas madali nga naman mang-husga kapag hindi mo kilala ang tao, diba? Dahil hindi naman natin sila kilala e , hindi tayo ganoon ka takot na sabihin ang ating opinyon dahil maliit lang naman ang chance nating gumanti at gantihan pabalik.

Syempre hindi ako pumayag na laitin ang gawa ko kaya sabi ko *Hoy! Mga walang modong mag jowa na PDA ! wala kayong karapatan na laitin ang tarpaulin nayan , hindi nyo alam kung nakailang revised ako dyan bago I-print yan dyan ! Mga walang hiya, bagay na bagay kayo parehas kayong malaki mata! at FYI hindi yan bayad dahil buong puso ko yang pinag hirapan* sabi ko sa isip ko..

Pero inisip ko nalang na ito’y isang constructive criticism, pero wala silang kamalay-malay na kung ilang beses kong paulit-ulit na tinorture sila sa isipan ko hahaha

Iniisip ko kung papaano kaya kung kakilala o kaibigan ko yung dalawang yun, mag iiba kaya tingin nila sa gawa ko? O ganon parin

“ okay ba yung design na nagawa ko?”

“ Syempre naman , basta gawa mo maganda yan para sakin”

Mas na-appreciate ko pa ang mga taong bibigyan ako ng matinding payo tungkol sa mali ko , kesa sa mga taong hahayaan lang akong mag mukhang tanga – Jack

Sa kabilang banda ang blog post kong ito ay para sa mga katulad kong bibihirang mabigyan ng pagkakakilanlan ng karamihan, katulad ng mga Cameraman, sa mga taong taga-gawa ng pabango, sa mga construction worker na katulong ng mga Engineer, sa makinang taga-gawa ng mga papel ! (Thanks machine) para sa mga taong taga hatid ng iPhone sa apple store, at sa mga taong nasa likod ng success ng kahit ano.

Taos puso rin po akong nagpapasalamat sa mga naging bahagi ng blog entry na ito, nagpapasalamat po ako sa mga sumusunod: kay kuya na nag bukas ng aircon dito kanina, sa water service na naghatid kanina ng tubig dito kaya meron akong malinis na tubig na iniinom ngayon, salamat rin sa boss ko na nag bukas ng PC ko at dahil don sa wakas di ako nalate, salamat narin sa nagtahi ng jacket na gamit ko ngayon panangga sa napakalamig na aircon para makapag type ako ng maayos at higit sa lahat maraming salamat sa lahat ng staff at sa lahat ng bumubuo ng wordpress.com. Maraming salamat po!